開學前剪髮

自5月剪髮後，momo前額啲頭髮已經長到過晒眼眉，拮到眼睛咁滯。終於hubby搵到時間幫momo修一修佢...點知一修就搞到變咗薯頭，前額啲頭髮又短又齊，但我哋都要話剪得靚，免得佢唔開心。不過，囝囝真係好乖好合作，坐定定俾daddy剃頭髮！

番禺探親去

以前每年嫲嫲生日，爸媽總會帶著我們四個仔女回鄉慶祝，但我們漸漸長大，尤其踏出社會工作後，就差不多只剩細佬和三妹跟隨。上一次回鄉，應是弟弟婚後在這裡設宴款待，舉家到來。今天見momo都差不多三歲，便提議約同老表齊齊回鄉，當家族旅行。最初諗住順道去番禺長隆玩，但是暑假費用比平常貴接近一倍，兩日一夜，一家三口要花費四千以上，便打消念頭。最終出發這天，弟婦、細妹夫、臻臻表弟和子澄表妹都缺席這個即日來回之旅。好彩momo仲有表哥梓烯一起玩，亦因為有呢一日o既相處，佢同表哥勁friend。整日都問住表哥係邊到，追隨住表哥，就連爸媽都接近不理，拖住表哥，和大e、表e走到表舅的家。如果唔係我同四妹在後跟著，都唔敢相信呢個總係黏住mami唔放o既momo，可以大膽到咁 XD
不過，佢鍾意同表哥玩，真係一個好開始，希望佢同老表相親相愛，將來有困難都可以互相支持！

暑期親子廚房之栗子瑞士卷

momo最鍾意嘅茶點之一係瑞士卷，有時放學嘅時候經過餅店，就會買一件或整盒回家，所以mami點都要同momo一齊整一次。睇落唔算難，但整得唔算成功，最尾卷時爛咗，不過囝囝佢依然好捧場，連吃幾件！mami一定會再努力嘗試，因為瑞士卷都係mami至愛黎㗎...哈哈~~~

暑期好友廚房之紫薯餐包

餐包仔encore，今次用紫色蕃薯做餡，momo大愛，但Bernice就唔多食。咁多次好友廚房裏面，最能夠體驗o既係唔好食o既小朋友真係俾咩佢都唔食咁滯，亦唔會一見食物就主動走過來要。的確，對負責煮食o既人o黎講，真係會煮到冇咁動力...慶幸我兒喜歡吃，亦喜歡煮來吃。

暑期好友廚房之pizza

pizza enore，Matthew又黎同momo整嘢食，材料有吞拿魚、粟米、菠蘿。momo今日好叻，食咗半個pizza咁多。Matthew都係唔多食，反而拎咗昨日整o既fruit tart，佢就好快咁食咗一個！

多謝舊同事又買咗禮物黎俾囝囝，真係太客氣！

暑期好友廚房之鮮果撻

鮮果撻encore，預早焗好撻皮同準備好忌廉吱袋，再等小朋友帶水果黎，好快就食得喇！鍾意cream o既momo係咁吱，搞到啲cream滿到瀉咁滯...哈哈哈~~~

吃切橙

momo食橙多數係手搣，然後再切粒，用叉子食嘅，免得啲橙汁會滴到成枱成衫都係。今日mami試吓懶啲，就咁用刀切開8塊，即管測試吓食得乾唔乾淨。睇呢張相都滿意嘛？

新書

中午上完游水課，去咗沙田食飯，然後諗住去睇兒童單車，打算買黎做momo 3歲生日禮物。但一田冇單車賣，反斗城又冇啱款，反而入咗商務書店就買咗幾百蚊新書俾momo。呢套cars佢係最鍾意嘅，仲有立體書，幼稚園練習，飛機總動員2故事書等等，收穫豐富！

畫畫細緻了

momo而家畫畫開始有details，唔係只得外型。以前畫車，只有車身同兩個車輪，而家可以畫到窗，門，位置大小比例都恰當，都幾有驚喜！

暑期好友廚房之水餃

好友廚房請到睿睿黎一齊整水餃做午餐。朝早請momo幫水做餡料，有粟米，鮮冬菇，白菜，豬肉。兩個小朋友都好積極包，奈何小肌肉未發展到可以處理封口成形，所以只能負責畢餡料在餃子皮。
飯後再一齊整曲奇餅，用新買回來嘅cars曲奇模，momo搶住唔捨得俾人用...

暑期圖書館之三

隔咗一星期冇去圖書館，今日又借到本thomas番屋企睇喇，即晚故事時間就梗係借回家嘅書喇~~~

momo走失了！

今日momo係樓下走失咗，驚到我喊...
事發時剛從超巿出來，我剛接完電話，momo開始自己向前跑，我沒有刻意去追，諗住佢都好似平時咁唔會行得遠就停落黎等，但點知沿路行到扶手電梯口都唔見，即刻去咗電器店門前滙合親戚先，再分頭搵吓。沿路我入去文具店同玩具店都唔見，望扶手電梯下層又唔覺，入番超巿，直至行到cashier都唔覺，正打算離開時，諗住問吓啲staff見唔見momo (啲收銀員好多都認得囝囝)，就俾我見到momo同兩個ee一齊。兩個ee原來都係同屋苑嘅，話問過囝囝知唔知mami電話，佢又唔識答，佢哋都驚有人帶走佢，所以企咗係到等。原先我以前呢個小朋友唔見咗mami會喊，點知我見到佢完全冇喊。唔該兩位ee再抱番momo走時，我忍唔住喊住同佢講嚇死媽咪，但momo都冇乜反應，仲係咁問：媽咪你去咗邊？好明顯佢只係覺得我行開咗...

呢排momo變咗另一個人咁，成日衝衝衝，唔係以前咁坐定定。今日就係唔想追佢，一追以為我同佢玩，點知就咁。我諗連daddy都估唔到囝囝會咁，而家一定一定要叫佢拖實！


今日搞到hubby表姐都擔心埋一份，仲爭啲叫咪搵㗎啦，真係唔好意思。同表姐&表表弟林bebe食個lunch，再番上樓玩咗個下晝，分享吓育兒同全職媽媽嘅生活，都幾唔錯！

暑期好友廚房之pizza

HM又黎好友廚房喇！今次一齊整pizza做午餐，材料有三文魚，紅椒，粟米，菠蘿同埋芝士。兩個小朋友都開心享受呢個新嘗試，估唔到momo都喜歡吃pizza呢！

35 months old

仲有一個月就3歲喇，到時升K1又大個仔啲！呢個月嘅momo真係「口水」不停，隨咗講嘢多之外，最緊要連帶mami都講到口水乾咁滯...事關momo已開始咗每事問階段，咩都要問點解，仲要由一個點解問到底。
例如落大雨，平台電梯大堂有部吹風機放係到，就會引發以下對話：
mo: 點解有部機嘅？
mami: 因為地下濕，要吹乾
mo: 點解地下濕嘅？
mami: 因為落雨囉
mo: 點解會落雨嘅？
mami: 因為有黑雲囉
mo: 點解有黑雲嘅？
mami: 因為熱，有水蒸氣升高，到天空變成雲囉
mo: 點解熱嘅？
mami: 因為有太陽公公囉
momo:點解有太陽公公就熱嘅？(爭啲想問埋點解有太陽公公嘅？)
mami: 因為太陽公公釋放能量囉

momo仲想繼續問，但到咗屋企樓下大堂要按電梯制而打斷，冇再追問。
就係咁，每日都可以由一個點解，再根據答案衍生若干個點解出黎，有時問到你都唔知點答(可能要解釋好長篇或深奧)，又或者唔識答。最好笑我話「mami都唔識喎」，佢話「你識嘅」，嗰刻真係哭笑不得。有時唔想佢再追問，我就重覆佢問過嘅問題問佢一次，順便睇吓佢係咪接收到，哈哈哈~~~

呢個人仔平時都仲係鍾意車，睇書主要係車有關。相對冇以前坐得咁定，食飯亦冇以前咁合作，啲trouble two嘢反而接近3歲先出現？！希望呢個階段快啲過，等mami好教啲啦！

上海之旅Day 4

朝早hubby先番公司工作，我同momo食完早餐，就係附近行一陣，小區裏面有遊樂場，但高溫令囝囝玩樂的意欲都不大。其實離開這天的天氣，正是上海炎夏的狀況，前幾天因為颱風下雨關係，才不至滿汗淋漓。由於師傅接載o既時間，剛好正是午飯，但momo又不太肚餓，於是直接與公司的hubby會合，到機場才吃一個麵食，便準備登機回家去。有daddy陪伴乘搭飛機，momo果然更興奮，最終是於landing前半小時才入睡，連過關時都是熟睡狀態呢！

上海之旅Day 3

經過昨日中國人流威力o既體驗，我哋決定朝早就出發去豫園逛逛，吃個地道小籠包同湯圓，然後再搭地鐵番浦東。考慮momo體力同興趣，浦西o既其他景點如黃埔江邊、南京路等都係可免則免。
中午到Ritz Carlton食semi buffet lunch set，環境舒適，食物質素佳，一家三口食到飽飽，再番家休息。誰知momo一睡到接近黃昏，便在附近杭州菜館吃晚飯，結束第三天旅程。

上海之旅Day 2

朝早在家食cereal早餐，就出發去上海科技館。未入場已經見到相當多人出入，入到館內差唔多個個展館都要排隊咁滯...參觀指南有幾條推薦路線，但我哋時間唔算多，所以只係揀咗兩三個展區睇。最啱momo o既係彩虹兒童樂園，有滑梯玩，可惜我哋最後先去到，又差唔多食午飯，只好擋住唔俾momo見到。唔係玩一次都要排十幾個小朋友先玩到，咁到時就午餐同下午茶一齊食喇...
中午去食小輝哥火鍋，我哋食到最尾，momo已經瞓著咗lu...打的番屋企到瞓個晏覺，就準備去東方明珠塔啦！hubby同事黎接我哋一齊去，佢哋有世叔伯係明珠塔辦公，所以我哋先可以避過外面o既超長龍，經特別通道入到塔底排隊搭升降機。(講真，呢啲咁熱o既天氣，帶住一個咁細o既小朋友，要排一條可能三小時先入到場上到個塔o既隊，真係可免則免。唔係識人可以咁入場，我哋真係唔會去呢個景點！)大約15分鐘左右，就到咗267米o既旋轉餐廳，開始享受日落下o既自助餐喇！
由天光食到天黑，再到263米同259米o既觀光層同遊人迫，跟住要惡夢地排上一個小時，先返回地面，真係諗都冇諗過咁離開都咁難...
週末o既上海，到處都係人，啲主要觀光點被各地o既遊人攻陷，明天都係hea遊好啦~

上海之旅Day 1

自從過年後，hubby就接近個個星期都飛，飛到連momo都話要搭飛機。終於momo都恨到喇，可以同mami出發去搵daddy喇！朝早仲要mami叫醒佢，先知自己搭飛機，哈哈~
當然，佢一知道有得搭，就即刻好興奮，第一句就話：我有證件可以搭飛機！
離開屋企開始，佢就幫手推行李箱，直至去到櫃位check in，點知呢一推，竟然唔捨得個箱？！佢見到個箱去咗行李帶到要寄艙，就即刻喊住話要...佢應該以為會冇咗個箱，所以先咁反應，真係儍豬！
上到飛機，有自己位坐就梗係開心啦，全程係到講嘢，問嘢。問得最多係：(飛)得未？好彩班機唔算要delay得耐，比預期時間都係多十分鐘到。起飛時，momo都冇乜特別，因為佢開始睇佢最鍾意嘅cars，但有時一宣佈，佢就好唔耐煩咁話：我想睇 (因為一宣佈，PA就要暫定畫面)。
除咗有自己住之外，都有自己嘅兒童餐，但佢對主食冇興趣...成個機程，基本上起飛升降嗰刻都冇問題，但中間坐唔定咁，又起身，又想坐我大脾，尤其有時有氣流出現要帶番安全帶時，就唔太合作。
到上海後，daddy公司司機嘅接我哋去公司到。呢到天氣唔太好，落雨又起風。天氣預告話會持續兩三天。去到daddy公司，雖然佢話今日會早走，但要開埋個會先，放是兩母子係daddy房到等。一等都成個鐘，我哋只係食咗飛機餐，冇食lunch，好彩momo又唔覺肚餓咋。
終於等到daddy開完會走，先番咗住處到放低行李，就出發去ifc食晚飯。俾樂天皇朝嘅八色小籠包吸引咗，入去仲有窗口位坐，可以順便睇吓景色，哈哈！飯後，獎momo食個雪糕，見雨停咗，就漫步回家。
momo沿路不斷問：個頂呢？(興建中嘅上海中心仲未封頂，有時又俾雲遮蓋，momo就不斷向上望發問，真係好搞笑！)

暑期好友廚房之木糠布甸

最初定好友廚房活動o既時候，Lewis o既媽媽就報定咗幾樣一齊玩o架啦，但因為Lewis前排中咗手足口，好番又病過，而Jeanie ee陀住細b又唔多舒服，於是一等就等到今日先有時間。好！一於黎個簡單又好味o既甜品 - 木糠布甸。

暑期好友廚房之鮮果撻

又移師到友人家進行好友廚房喇！好耐都冇見奕奕bb喇，呢個歲半o既小朋友講嘢好叻丫，仲要係男仔喎！歲幾小朋友啱食又要幫到手整o既嘢食，我諗選擇都唔係好多，最近momo整過蛋撻，於是就將蛋漿改成水果，做咗較有營養o既鮮果撻做小食喇！momo一口氣又食咗兩件，而奕奕就鍾情啲水果多啲喇，哈哈哈~~~

探悅悅

趁悅悅o既媽媽未生，快快同悅悅聚吓舊先！今日兩個小朋友都玩得好開心，雖然都有爭嘢爭到喊 (又係眼瞓累事...)，但都有好多時間係一齊分享一齊玩的。下次見面時，悅悅應該都升格做姐姐lu，到時咁多位同年同月出世o既朋友仔，都已經係哥哥姐姐。momo雖然冇弟妹，希望佢都會有哥哥o既風範啦~

暑期親子廚房之蛋撻

上次友人家的蛋撻有少少失敗，所以今日同momo再努力過！
嘩...好食到囝囝ko三個咁多，哈哈~~~

游泳課的進度

momo自五月開始，到而家都上咗五堂游泳課。教練暫時都係教佢係水中呼氣，而囝囝都聽教練話，不過仍然都係雙手扶住池邊，唔敢離開做練習。雖然係咁，但每次我都見佢有少少進步。今日我哋帶佢上水前，佢仲自己將頭潛入水到做吹氣動作我睇。我真係覺得佢未夠三歲，都願意自願去做好叻仔！加油！好快就可以跟住mami daddy游少少㗎啦！

睇planes 2 &表弟來訪

早場睇planes 2，momo成套戲係咁問：做咩？而且睇得相當投入，再加上帶咗daddy新買嘅tonica planes車仔，又係睇到完場唔捨得走。
原本打算夜晚去6299到食飯，不過細佬話想帶表弟臻臻黎玩，所以改明天先番去。表弟一黎到，momo就有甜品吃，嘩...真係食到停唔到口咁滯。兩表兄弟暫時都係各有各玩多，但momo都多咗會主動分享玩具俾表弟，下次再約齊四老表玩先得！

暑期圖書館之二

星期四朝早圖書館唔開門，所以揀星期五比較理想，朝早去完，下午可早啲瞓晏覺。上星期去完一次，momo有經驗要坐低叫媽媽講故事，又不斷想搵thomas同mcqueen，又或者車嘅圖書黎睇，其他似乎興趣不大...弊啦，興趣咁窄，點搞？！
近期momo眼瞓又要玩唔肯瞓，多咗發脾氣，所以借咗本書，講吓想點就點會有咩後果...

暑期好友廚房之紅莓藍莓香蕉蛋糕

邀請咗Matthew黎整cupcake，今次試加乾果，仲要係momo鍾意嘅藍莓同紅莓，佢梗係食得開心啦。呢個小朋友可能整得嘢食多咗，有時啲步驟佢記得，就開始要霸住做，仲要好似教人嘅口吻，向對方小朋友或家長示範說：嗱，就係咁（做）。然後先再放手俾另外小朋友做。我見到真係好好笑，真係識少少扮代表，wahaha...

暑期好友廚房之牛油曲奇&蛋撻

好友廚房移師到友人家，momo同Ambie都落力整cookies同蛋撻，不過遇上兩個都眼瞓又唔肯瞓嘅小朋友，都好多時出現爭嘢玩嘅情況，仲要兩個都喊晒添...

探馬b之五

帶momo同另一馬b媽媽Jess探子浚bb，Jess帶埋大子浚幾日嘅天滙一齊黎，天滙明顯大隻啲，而且仲好好瞓。momo可以同子洋一齊玩，呢到有好多車仔，啱晒我個仔，哈哈。

運筆連線練習

暑假除咗玩之外，都要為升K1作好準備，所以mami都預備咗啲相關o既練習俾momo。好似呢本運筆練習，其實係好早之前已經買咗。見囝囝做連線唔錯，於是就再拎出黎俾佢試吓。momo明顯比早陣子進步咗，睇黎唔需要太擔心佢完成唔到K1啲功課喇~~~

你有我都要有之買衫

今日daddy買新衫，momo見到話︰我呢？話佢都要買...其實平時出街都係買衫俾佢，爸媽反而冇乜點買過衫o架，哈哈哈~

海洋公園生日之旅

mami生日+momo三歲前最後一次免費入場，當然要黎海洋公園趁吓熱鬧啦~
因為星期六，所以hubby都有份去喇，哈哈！momo比一年前多咗好多說話，對唔同動物都有唔同反應。全日最興奮應該都係同車有關嘅活動，但就好怕深水嘅地方，所以企鵝同大魚缸都話驚，唔敢行近，即刻話要走...
雖然mami先係今日嘅主角，但全日最關心都係呢個小朋友玩得開唔開心。晚飯去咗灣仔食teppanyaki, 叫咗師傅砌車仔圖案，momo梗係超鍾意啦！同枱有另一ee同日生日，momo成功呃咗個蛋糕食，哈哈哈~~~

暑期親子廚房之蕃薯餐包

餐包仔係momo至愛包包之一，可以自己整就梗係加埋饀好啦，蕃薯餐包就此誕生，yeah~~~

暑假圖書館日之一

暑假希望每星期都安排到一日圖書館日，今日臨離開時，搵到本thomas，momo即刻話好鍾意拎住唔放，就借咗番屋企慢慢睇！

親親貓咪

自寶儀搬近咗我之後，一直都想拜訪佢新居。佢都放暑假喇，今日安排到時間，可以順便俾momo同貓貓親近一吓！呢個小朋友一向都唔太怕動物，就算佢係驚，都只會退向我身後，但又好想同動物親近。當mami都示範摸摸動物時，佢就會急不及待都要參與一份！

今日其中一隻貓貓仲會「喵」回應momo，所以佢不停咁叫貓貓個名，一聽到佢喵，佢即刻好開心。寶儀俾囝囝餵貓貓食零食，佢都好投入。

不過，因為momo太興奮摸貓貓，最大隻o既貓貓以為囝囝拍佢，所以抓咗囝囝一吓。momo即刻喊到流眼淚，估佢係嚇親。我見佢隻手仔真係損咗流血，雖然心痛，但都教番佢堅強。我問佢做咩喊，囝囝識講︰貓貓打佢。我話貓貓唔係打佢，而係佢摸貓貓o既力度令佢唔舒服，所以還咗手...好在佢好快都收咗聲，之後繼續同貓貓玩~~~

探馬b之四

遠水路探同天匯bb同日出世o既Baby Bernice，點知俾momo扭眼瞓破壞晒mami想同好友閒聊o既時間...唉...momo處於呢個其實需要小睡但有得玩又唔瞓o既時期，最後都係苦了媽媽...每次都係要抱住熟睡o既小朋友回家...
整咗個心心頭飾俾Baby Bernice，都係快靚正~~~