第一次成功用小尿兜去vv

momo戒片一直未有突破性o既進展，買咗小尿兜佢試，都試咗好多耐唔肯去。次次問佢都話冇，企到前面都係唔得，有時仲好抗拒...間中坐廁板反而會去到。其實我都唔係要求佢識自己講去vv，只係希望帶佢去都會去到，但都仲係未得...今日突然成功去到一次，我即刻大讚佢，佢自己都拍手讚自己。如果可以繼續到就好啦，加油小朋友！