父子游水去

教練連續兩星期都唔得閒，hubby話唔可以等到下星期先去，唔係又係到扭計話唔游水...於是下午就兩父子去會所泳池游水。估唔到今次唔駛mami跟住，肯同daddy出發，仲一玩就玩咗成個鐘有多。我去到泳池接佢先上樓沖涼時，佢仲好開心咁想拉住我去游。一路離開時，又係咁話仲想同daddy游水。今日呢兩父子o既親子時間應該真係唔錯！