人生第一堂游泳課+剃頭記

游水是求生技能之一，當然越早學越好。既然有親友介紹私人教練，唔駛盲中中去搵，就好好把握呢個機會，睇吓momo三歲前可唔可以學到浮身。

爸媽陪佢一齊上第一課，原本好興奮入場。但天氣凍加上見到陌生人，而且mami冇換衫落水，所以基本上都冇上過堂...諗住佢肯跟daddy，可惜呢個想法錯晒，只係攬住我唔放手...結果教練冇收學費住，話當觀察，下一次先計。可能今年第一次下水，所以momo未warm up，我哋決定下一次早啲同佢入場玩住先，等佢可以容易啲接受。

天氣不佳，留在家幫momo換個新髮型。囝囝啲頭髮長得慢，接近一年冇剪過，原定要剃光頭的，最後daddy整咗個潮look。估唔到都好多人讚喎！