探馬b之一

探馬b活動陸續展開，第一場係baby Maris。送上蝴蝶髮帶做見面禮，嘻！

探完b，去咗真君誕戲棚趁吓熱鬧！然後再去運動場跑吓步~~~

點知番到屋企沖完涼，momo左腳背紅腫晒丫...其實momo跑步時俾小朋友推，唔知係咪咁跌親。因為hubby陪佢跑，我睇唔到，番到黎我見到，腫到咁我好想喊。hubby話佢都睇唔到個過程，但個小朋友推跌咗佢之後，仲爭啲想踩momo，好彩hubby見到即刻喝住咋。

我同hubby講不如唔好番學住先，但hubby話冇事啦，佢細個都成日拗柴，我話都唔會咁細個㗎。