青衣戲棚

青衣一年兩次開戲棚，是夜帶momo買嘢食，見有大雪糕球賣，就破例俾佢自己食人生第一個甜筒啦~~~

棋子初體驗

呢份棋係上年去啟思開放日送o既，今日拆開黎同momo玩。佢當然唔識數步啦，但擲吓骰仔，由起點行到終點都已經好開心喇~ 好快就可以一齊玩盡各類board game o架啦！

親子繽紛世界

學校舉行咗個親子藝術活動，mami又可以去學校同momo一齊玩。
老師首先安排家長到另一課室作N班學校片段分享，從相片同影片裏面所見，momo好投入學校o既生活，音樂同體能活動都好有反應，真係感動到我都有啲眼濕濕。依個小朋友，雖然番到屋企唔多講係學校做咗咩，但見佢適應晒環境又開心，咁已經好足夠喇！

完咗分享會，家長就分兩組，一組先進入課室，另一組在課室外的角落活動。momo一見課室開門，又係第一時間彈咗起身去望我，仲要走埋出位叫mami，睇黎佢真係好興奮。又即刻係咁望實我，亦好主動俾mami畫花面。我即刻諗，hubby黎唔到，實在冇咗個機會了解在校園裏的兒子。我見有小朋友雙親皆未能出席，雖然冇見到小朋友唔開心，但我可以想像到momo見唔到mami黎o既失望樣子，所以我欣慰自己離開教育界，唔係我都一定錯失晒呢啲機會，要知道老師係冇al可請o架嘛！

與爺嫲同遊大埔海濱公園

朝早去m記食早餐，買咗momo人生第一個happy meal。佢見到有玩具，即刻話要拆，哈哈哈~
食完早餐就揸車接埋6299去公園玩。爺爺唔多可以行到遠路，要同佢哋去玩，地方都好有限制，遠足、樂園可以免問，咁要滿足囝囝o既話，去吓公園遊樂場草地呢啲就啱晒。
春夏來到，冬眠動物亦甦醒，要提醒囝囝唔好胡亂踏入草地，因為蛇出沒注意！上年蛇年，教識咗蛇，今日終於親眼見到真身喇！

接daddy放工

daddy少有要在週六回公司，見momo呢排成日送daddy出門口都話想去搵daddy，又話掛住daddy，於是就同佢一齊去接daddy放工。
咁樣一接，又多兩架新車玩...點解可以咁著數o架？

serve food

momo同我玩煮飯仔時，識得serve我，先將食物放在碟上，再端於枱上。然後放好櫈子，再叫我坐好吃。吃完後，會收拾，又再拿杯子裝水(當然是假的)給我飲。好專業喎！

家事小幫手篇之把衣服掛上衣架

洗衣機放/取衣服、掛衣服、摺衣服、將衣服放回衣櫃、將衣服掛上/脫下衣架，全部都難唔到momo啦~

衣服呢個範圍可以做到一條龍服務，放心交晒俾佢都得！

環保相架送媽媽

學校要爸爸同小朋友設計環保相架，hubby就同momo整咗呢個...
唉...hubby以前細個啲美術一定係D,E o架，mcqueen係呀仔鍾意，唔係我呀！仲有...張相同背後張咭，其實係momo上學期學校整o既相架o黎...well...真係夠晒環保 =_="

唔駛一分鐘就整好...都好彩...唔駛為咗囝囝有功課交而自己整番俾自己...

TY 小朋友聚

朝早hubby con call，好彩約咗TY小朋友聚，過咗個愉快bubble time！

復活節假最後一天，hubby夜晚要飛，momo下晝午睡，最終冇出外活動。呢排hubby個個星期都要飛，飛到連momo都話要搭飛機。等momo放暑假，一於飛去搵daddy！

娘家飯聚+拍拖日

momo好鍾意新買番黎o既骨牌車，而且都好鍾意砌，玩到唔捨得出門口。中午娘家飲茶，囝囝同表哥玩車玩得好開心，會主動搵表哥玩，已經唔駛點整佢哋。
飯後帶咗囝囝去6299到，兩老成兩個星期冇見粒孫，放低佢係到玩，我同hubby去拍拖睇戲。睇咩戲？梗係捧家輝場喇！不過，今次佢唔係主角丫~~~

南丫島遊

復活節第二擊︰與Harris進攻南丫島！
一早計劃好假期去離島，長洲、大澳，momo未夠一歲已經去過，而家見佢都可以自己走動，就挑戰一吓南丫島o既山徑...不過，今日momo冇上次去新娘潭咁叻，多咗要扭抱。可能因為天氣太熱，再加上佢跌低擦傷膝蓋，所以都未上山，就已經唔多肯行。結果唔駛兩個鐘o既路程，我哋足足黎個triple！咁當然，Harris都不比momo弱，佢全程都被四圍o既人與物吸引，步速都係緩慢移動。所以，我哋可以係天黑之前上到船番中環真係偷笑...
行到上風力發電站，momo好開心咁玩bubbles。我哋第一次買呢種長型管狀o既泡泡俾佢，估唔到佢已經完全掌握個玩法！的確利害！

與Harris遊西貢獅子會&郵輪碼頭

復活節假首天，約好同房一家一齊去西貢獅子會自然教育中心。成年冇見Harris，已經唔再係bb樣，而且佢身型同身高都直迫momo (阿仔，你大人哋 9個月，但差唔多高，真係細粒成咁？！)。
朝早開完con call o既hubby，到獅子會時又要con call，所以佢都冇乜點行過...而momo亦都主攻滑梯，對啲展館未有濃厚興趣住。呢到等佢大啲，可以再黎過！
參觀完畢，去咗郵輪碼頭玩咗陣。上次我同hubby黎探路，基本上都同啱啱開幕差唔多，冇乜特別設施，但momo對個水柱陣就完全投入，玩到極開心~~~
晚飯去megabox食，再行埋反斗城，搬咗個骨牌番屋企慢慢玩。

積木的創意

同momo用積木砌路軌俾thomas，佢即刻好有興趣，不停咁玩...仲玩埋紅綠燈，教佢停車同開車添！

momo之感動事︰

momo唔知係咪知道下個月母親節，今朝我未起身前，將梳化啲衫摺好晒，仲放好入自己衣櫃，然後走入房同我講摺好啲衫。Mami真係好感動，兩歲幾咁幫得手！欣慰我有一個這樣貼心的兒子！

復活蛋迷宮

屋企樓下有個復活蛋迷宮，入去我叫momo搵復活蛋，佢好積極咁走來走去睇。我諗佢唔多覺呢個係迷宮，因為實在太易搵到出口...哈哈~~~

夏蚊來襲

深夜...又有蚊黎咬...可惡！！！好彩我打死咗，唔係我哋兩母子成晚就慘啦...

只係四月咋...已經第二次係咁，訂咗個電子驅蚊器幾時到丫？！

復活節禮物？！

momo今朝行動自如，又冇痛，仲自己穿鞋襪，可能冇事。但仲紅腫，唔知係咪蚊蟲咬...寫咗手冊俾老師，換鞋時留心一啲。冇痛我都安樂啲，好彩，唔係俾個小朋友推到整親...

hubby臨飛前又買tomica俾momo...已經有十四架咁多喇...

探馬b之一

探馬b活動陸續展開，第一場係baby Maris。送上蝴蝶髮帶做見面禮，嘻！

探完b，去咗真君誕戲棚趁吓熱鬧！然後再去運動場跑吓步~~~

點知番到屋企沖完涼，momo左腳背紅腫晒丫...其實momo跑步時俾小朋友推，唔知係咪咁跌親。因為hubby陪佢跑，我睇唔到，番到黎我見到，腫到咁我好想喊。hubby話佢都睇唔到個過程，但個小朋友推跌咗佢之後，仲爭啲想踩momo，好彩hubby見到即刻喝住咋。

我同hubby講不如唔好番學住先，但hubby話冇事啦，佢細個都成日拗柴，我話都唔會咁細個㗎。

又到錦田鄉村俱樂部

中午hubby打tennis，momo臨尾去做執波仔，哈~
午飯後，同Issac一家出發去錦田鄉村俱樂部，但因為我要去TSA briefing，所以就難得兩父子去玩樂喇！
momo去到都非常開心，唯獨係冇士多啤梨摘 (過晒季節啦嘛)...

燙傷了的小白兔...

momo幫手煮午餐時，燙傷了小手 ><..

花式scooter?

有人玩scooter已經玩到要玩花式...下次係咪想做埋燕式平衡？！

夏季校服look - 開學 VS 今天

對比下七月個前後o既momo先，哈哈，多咗頭髮個樣冇咁bb~

水果盒+愛上跑步

今日學校水果日，預備咗車厘茄同藍莓，睇吓momo幾古靈精怪...
放學食完飯，見momo仲有精神，同佢一齊去咗運動場跑步。

Daddy離港工作o既日子，可以多啲帶佢黎一齊做運動，今日跑咗三圈咁多，叻仔！

家事小幫手篇之把衣服從衣架脫下

洗衣機放取衣服、掛衣服、摺衣服、將衣服放回衣櫃、脫下衣架，全部都難唔到momo啦！正訓練佢將衣服掛上衣架，如果都做到o既話，咁衣服清洗後o既處理，可以由momo一手包辦喇！

換季啦

今日天氣都偏涼，但學校出咗通告要今日換季，都要照著夏季校服番學啦。不過，夏季校服入面就同momo著件薄長袖衫，再加埋學校外套，應該都夠暖。

momo番學冇尿濕，真係戒到日片喇，so good!!!

排車仔

朝早係附近玩咗陣，lunch係樓下食烏冬，momo自己橫直橫直咁排車 (冇人教過佢咁排...)
天氣唔好又落過雨，留守家中三個齊齊午睡，哈哈哈~ 終於瞓到黃昏時分，餸都冇得買，又落樓下食飯...同momo一齊玩車疊車...
其實車仔都唔係只係推來推去咁玩o既~~~

31 months old

31個月大自己步行教育徑挑戰成功！
上星期行雷閃電又落雹，然後成個星期都唔多好天，終於今日天氣晴朗，可以享受大自然美景。難得momo上山落山路面凹凸不平都冇扭抱，好努力咁自己行晒整段路，大讚！

重要o既係，momo終於唔抗拒街外o既廁所啦，帶佢去都一定去到，同時亦都會表示如廁需要，出街唔駛再帶片喇！如果番學都去到vv o既話，就真真正正戒日片啦~~~

於是乎...daddy買咗三架tomica車俾佢，睇吓佢開心到...

兒童節快樂

唔知momo係咪知道今日佢都係主角，所以又晨咁早六點幾起咗身...見朝早有少少陽光，就同佢去海旁踩吓滑板車，順便食個pancake。momo好主動咁話要自己搽牛油，手勢都唔差，而且完成又好有滿足感咁...哈哈...其實我都唔明兩歲幾都做到o既嘢，可以有港童上小學都唔識要靠人做？！
今日最後一天著冬季校服，拍個照留意一吓啦。放學momo食完飯同咗佢一齊去議員到拎兒童節禮物，男仔啲禮物唔太吸引，又冇momo至愛o既玩具車，再加上佢已經好眼瞓，所以個樣好無奈咁...

外出成功vv

今日上oxford path playgroup，成功係上堂前後帶momo去vv。上星期帶佢去廁所時，我話呢個好似學校嗰個廁所黎喎，佢自己都話好似學校咁，於是順利咁去咗一次。今日一入廁所時，兩次都即去，完全咁扭拎，如果佢連大人廁所都肯企上廁板到vv，咁就真係成功戒日片喇！

睇黎mcqueen貼紙獎勵真係有啲用，定係其實因為大個仔咗呢？