朝早雖然momo退咗燒，但之前佢發燒，都係食一次退燒藥都ok，同埋都冇上到39度。所以，今次穩陣啲，要去睇醫生。
番咗學四個月，第一次要病到睇醫生食藥，其實佢都好叻仔㗎啦。雖然我知道囝囝真係好唔鍾意食藥，但點都要拎定好啲。
結果醫生診斷為感冒，開咗兩支退燒藥同四支咳水鼻水藥。呢次真大獲！簡直係食藥大作戰！
誰知今次發燒真係唔同平時，係斷斷續續咁退完又燒，但又唔見啲鼻水出黎…估計momo自己免疫系統都好努力咁打緊仗。
不過係咁燒個人冇晒精神，仲要唔係點食嘢，真係陰公豬囉！對唔住丫，momo，昨天真係唔應該帶你出去，而家要你咁辛苦，一定唔會有下次，mami都好後悔＞＜
沒有留言:
張貼留言