暑期親子廚房之北海道牛乳奶凍

熱辣辣o既夏天，諗住整番個凍品黎同momo一齊嘆，點知呢個小朋友竟然唔鍾意奶凍喎？！食咗一啖就成樽都唔要喇...

暑期好友廚房之裝飾cupcake

三家人齊齊好友廚房活動，由於有大啲又有細啲o既小朋友，所以都係揀個簡單o既食物黎做啦~ 小朋友玩之際，mami就負責搓粉程序，到最後裝飾環節，就各自完成自己o既cupcake，焗好就即食茶點。momo過咗個歡樂o既下午，有得玩又有得食，正係我搞好友廚房o既原意！一定要繼續encore~~~

父子游水去

教練連續兩星期都唔得閒，hubby話唔可以等到下星期先去，唔係又係到扭計話唔游水...於是下午就兩父子去會所泳池游水。估唔到今次唔駛mami跟住，肯同daddy出發，仲一玩就玩咗成個鐘有多。我去到泳池接佢先上樓沖涼時，佢仲好開心咁想拉住我去游。一路離開時，又係咁話仲想同daddy游水。今日呢兩父子o既親子時間應該真係唔錯！

探馬b之三

momo抱抱天匯bb，睇黎佢都幾鍾意呢個bb，見到mami抱佢又冇呷醋，bb係highchair到佢又幫手推，bb喊佢都有關心bb~

廚房還原日

momo一覺到天光，完全冇因為生保床而影響佢睡眠，連婆婆都讚佢叻仔！
今日要將廚房還原，要順利就要送momo去6299到，等清理所有嘢先接囝囝回家。帶佢搭輕鐵轉西鐵再轉巴士，每程佢都搭得好開心，但都要個幾鐘先去到6299到。囝囝就同爺爺嫲嫲食午飯，我就事不而遲趕番去屋企清潔！先番去開晒窗通風，去樓下食個飯，番上去清理，掃好晒正要開始抹廚房之際 (數目多達三十幾，遍佈地下及地下的廚櫃及廚面，已經比我預期少...哈哈哈)，...接到hubby表姐打黎請教momo個表表弟食固體o既問題...咁就遲咗成個鐘先抹得...直到抹好晒嘢，準備將各廚房用品歸位時，已經是晚飯時間...又落樓下買飯同廚櫃墊，執咗一大半，飯都唔得閒食，就9點幾，急急腳搭小巴去6299到接番momo回家，氹佢瞓好覺，就又再開工。執剩一成，頂唔順要食嘢瞓覺，呢個時候，hubby都終於飛到番黎 (班機delay再delay)，我都餓到冇氣同佢講嘢，快快食完去瞓...

咁樣一個人執廚房法，冇下次！！！

舊同事飯聚&娘家過夜

話說有好一陣子廚房每晚都出現小強，而且數目不是一兩隻，而是每次半夜一開燈，就起碼發現四五隻，hubby仲要好衰咁話︰你啲friend又係到開party...試曱甴藥冇用，啲小強係唔會爬入去食藥餌，終於等到momo放暑假，可以用煙霧彈！！！
於是昨晚整完手信後，就起勢咁執晒廚房啲嘢出廳...執到極眼瞓入房瞓，再趕係朝早出門去abc之前作最後衝刺，好彩都係last minute完成放煙霧彈儀式！因為想隔一夜先回去清理，所以早幾天已聯絡婆婆，是晚在娘家過夜。

同momo上完abc，就搭西鐵番舊校。臨暑假前探同事食番餐聚吓都真係好開心啦，之後仲可以去其中一個同事到探佢個差唔多一歲o既bb。momo都幾鍾意同勤仔玩呀，佢同表哥表妹都係住同一區，如果帶囝囝黎搵表哥表妹，可以順便再黎過，哈哈~

momo盡慶後，傍晚登上往娘家o既巴士，就瞓到去轉車站先醒！去到婆婆屋企見到有好多車仔玩，即刻食完飯又玩過。夜晚瞓覺冇扭計，好快就瞓著覺，真乖仔~~~

暑期親子廚房之杏仁酥條

明天同momo番學校探舊同事兼食飯，點都要帶啲手信番去。去年同momo一齊整曲奇餅，今年試新嘢 - 杏仁酥條！
用現成o既酥皮，真係超級簡單，但好味賣相又好！

暑期好友廚房之牛油曲奇

momo好友廚房首次成功！邀請咗HM黎齊齊整印模曲奇~ momo對印模呢個工序經已完成掌握，原則上都唔需要點協助，都可以自行完工！

兩個為食小朋友，一見到焗完o既曲奇餅就即刻食到唔停口咁滯，大家住得咁近，可以再encore！

暑期親子廚房之芋圓蕃薯圓紅豆湯

呢個食譜一係fb group到見到，已即刻記低要整。mami對芋圓真係大愛，可以自己做，梗係要預momo一份搓搓切切啦~ 配埋紅豆湯，囝囝對呢個茶點都非常熱愛！

Fiat cafe & Lamborghini pop up museum

帶momo去Fiat cafe食lunch，已經開心到佢不得了，仲要安排到佢坐係全餐廳唯一o既車頭座位，即刻係咁上吓落吓咁睇。食完飯，daddy仲順便帶埋囝囝去Lamborghini pop up museum睇真車，真係一次過滿足晒呢個車痴~
其實佢差唔多次次出街都將自己所有o既tomica裝晒落背囊咁滯，可想而之，車o既魅力對呢個小朋友黎講有幾大！

34 months old

今日新學校舉行家長會，我同hubby都一齊出席，送咗囝囝去6299到照顧。簡介會主要講學校o既教學理念同模式，冇咩其他嘢特別交代，分班要等到8月尾先公佈。
今次影學生相，自家製失敗，係到古靈精怪，反而係晒相鋪就一take過，仲要影得好斯文咁添，哈哈~
34個月大個仔，日夜片戒晒，每日都不停口同你講嘢，絕對唔可以當聽唔到唔理佢...唔係就trouble two上身...雖然成日扭媽媽計，但永遠係mami o既心肝寶貝！

舊生聚

每逢七八月，總有啲以前教過o既學生會「突然」聯絡聚聚舊，當然大部分係上咗U放假，亦有一兩個好有心o既會定期問候近況。係兩間學校o既教學年資都唔算長，真係冇諗過離職咁多年，都仲有學生話會掛住我？！

家維只不過係初中時教過一年geog，一個cycle只係得嗰兩堂，基本上真係冇乜時間同低年班相處，但估唔到佢話有唔少同學都好掛住我 (佢哋9月都升year 3 lu)，乜我真係教得咁好咩？哈哈~~~

多謝佢係澳洲term break番黎，都搵我聚一聚。

momo都好乖，雖然第一次見，都有叫到哥哥，不過就怕醜唔肯同哥哥影番張相做紀念...同家維分別後，囝囝要求玩吓架JR先番屋企 hahaha~

暑期親子廚房之足球麵包

足球麵包非早前計劃之內，但早兩個星期係FB group到見到已經勁想整俾momo響應世界杯，昨天買好材料同用具，一於一齊整番個黎開心吓先~

暑期親子廚房之合桃香蕉蛋糕

momo暑假重頭節目，就係同mami一齊合作煮嘢食！早係復活節已經諗好咗個活動名，仲列咗啲食物出黎，邀請各方友好o既小朋友加入，反應都唔錯o架，最後有幾多小朋友會加入，要睇總結先知~
唔好睇少一個未夠三歲o既小朋友，平時佢成日出入廚房，mami有咩都會試吓俾佢幫手，日子有功，只要放手俾佢做o既，都做得相當唔錯！母子二人都喜歡吃，呢個親子活動真係啱晒...我見過社區中心同會所暑期活動o既小冊子，都有親子烹飪，內容都同我初想o既相約，自己屋企啲架撐咁整全，我駛乜晒錢去參加喎，哈哈哈~~~

先黎個簡單o的o既焗杯子蛋糕 - 合桃香蕉蛋糕，唔駛講，睇momo個樣就知佢幾鍾意食~

翻筋斗の前滾翻

呢個小朋友學翻筋斗學得好快，mami只不過係示範咗一次，就即刻學識咗，仲要不停咁做，真係估佢唔到...

N class last day

rainbow jelly要逐層做，每層要待上一小時，終於昨晚mami頂唔住瞓著咗，完成咗一半，另一半朝早趕工算完成，但就搞到分體咗，唔可以一次過show晒咁多層添...

momo放學番黎，學校派咗全學年o既學習檔案，仲有一個好孩子獎！其實呢個獎只不過係俾家長係屋企評估小朋友表現o既計劃黎，我諗大部分小朋友都有~

N班呢十個月，我相信囝囝都係開心渡過o既，雖然佢係最後一個月先唔再怕同mami分離，會同mami揮手再見上校車，但已經比我預期表現好喇！冇諗過佢係學校氹得咁多老師咁開心，有咁多老師唔捨得佢離開啟思。亦慶幸班上的同學們都很友善，momo亦有喜歡的玩伴，希望有呢一年o既學校體驗，幫助囝囝K1的適應，繼續愉快的幼稚園生活！

明天暑假開始，期待的24 X 7 FTM生活即將展開，哈~ 冇報咩暑期班，因為我一早已計劃好精彩o既活動俾momo o架啦~~~

rainbow jelly step by step

明天是N班的最後上課天---散學日聯歡會，每個小朋友都要帶食物回校分享，事前已同momo預習整啫喱，不過單一o既啫喱都冇乜難度，所以今次整rainbow jelly，祝願各位N班小朋友的未來都色彩燦爛！

體操mo？

一向坐定慢熱o既momo，係屋企會做啲估你唔到o既動作，就好似呢個咁，仲要一路做，一路叫你睇佢，都唔知俾咁反應佢好？！哈哈哈~~~

自行完成拼貼圖&食雞脾

原來momo已經可以不用太多協助，自己跟住指定位置貼上配對的圖案，完成呢款拼貼圖，真係冇諗過佢智能同手眼協調o既發展又跨進一步！

momo放學又係瞓著抱住番黎，醒咗就拎住食人生第一隻雞脾，估唔到又食得幾叻喎！

睇星星

momo仲係bb嗰時就已經開始有睇星星o既習慣，講緊o既係投射係天花板會轉色o既星星燈，仲有音樂播放o架！而家佢識自己開關，所以有時bed time story之後，就自己開黎睇住瞓。
mami期望年尾周年之旅，三人一齊睇真正o既星空！

momo整啫喱

下星期散學禮打算整啫喱回校分享，所以今日放學就同momo預習一吓先。囝囝對盒啫喱粉非常有興趣，一路整一路話要食士多啤梨啫喱。我預備三個玻璃樽，好等囝囝分享食物給爸媽，到時一人一份唔駛爭~~~

不再怕花灑洗頭

自從學游水要係泳池沖身，用花灑照頭淋後，momo唔再怕用呢個方式洗頭啦，仲可以自己都沖到涼添呀，叻仔！

吹頭mo

momo見到mami吹頭又要試埋一份，自己拎住係咁吹自己乾o既頭髮...

變形金剛也是車

原本今天要上游泳課，誰知剛上車，教練打來說取消，於是在荃灣吃早餐，再到悅來坊逛。這裡有間售賣玩具的奇趣天地，櫥窗就是大大的tomica display，這真是不得了！就這樣，momo多了架車回家...

樓下商場這星期開始有變形金剛的展覽，原本對機械人沒興趣的momo，知道transformer也是車的時候，即刻非常雀躍，每次經過都說要看。終於到今天daddy有空可以一起拍拍照，哈哈，自己同optimus truck影得幾開心~~~

嫲嫲生日飯

嫲嫲下星期生日，提前於週末慶祝。我同momo一齊去買蛋糕，叫佢揀一個俾嫲嫲，佢當然會揀自己最愛嘅栗子蛋糕啦~
祝嫲嫲生日快樂，身體健康！

手花

呢個小手工，我認為係N班o既勞作入面最靚之一，momo一落校車就話想除俾我戴~

和mami一起說故事

每晚的故事時間，我都讓momo自己選圖書，他多數來來去去選擇幾本有車子的書。講多了看多了，他都可以自己講講那一頁的事物。當然最搞笑是，他會以不是英文的英文講書中的內容，但間中又可以講到書上一兩句。momo重視故事時間，就算自己眼瞓，或遲了入睡，他大多堅持mami要說故事才罷休，希望這個習慣能幫他喜歡上閱讀啦！

自行於平衡木走動

記得冬天時，momo仍不太敢在遊樂場離開爸媽的視綫，很多時都要我們陪著他嘗試，否則很多設施都不會玩。今天momo不用上課，下午在acb上完oxford path，再到中旅社完成回鄉卡申請手續後，便與他到平台遊樂場玩。估不到囝囝已不用我時時在旁陪伴，可以隨意自己玩樂，就連這個平衡木都可以自己玩上幾次了！真有點他突然長大的感覺呢！

媽媽離開身邊的預感

今天和明天都要到校做TSA助理，由於要早早出門，事前請了99過來照顧momo兩個早上。可這個小朋友的預感太強，mami起床已不動聲色，但他已知道我要離開，即使還未到他的起床時間，就已連聲大哭不讓我離開...最後99帶他到電梯大堂說再見，當電梯關上門後，聽到的都是他喊著叫mami的聲音，究竟這個分離恐懼何時了？
其實momo最多喊五到十分鐘，之後便如常玩耍，只係如果可以笑著向mami揮手再見就最理想了...

N班的最後倒數

仲有最後十天的上課日，momo就完結N班生活啦！呢個小朋友去到最後呢個月先真正適應上學，每日食完午餐同佢講要換衫番學，佢完全冇遲疑，十分合作自己換衫，而且同mami離別都完全冇問題，真係令人鼓舞！只係...十天後的悠長暑假後，就要到新的學校上學，希望他長大一歲後，不用這麼長時間來適應吧！

Daddy節

朝早上游泳課前，momo送學校整o既禮物俾daddy先，仲同daddy講I love you, daddy!
夜晚娘家飯聚，momo同公公婆婆一齊番張靚相~

中大遊樂場

又黎中大玩，原本諗住去番之前玩過嗰個遊樂場，但見個滑梯勁污糟，於是搜尋吓其他地方。好順利就係附近搵到另一個遊樂場，呢到仲有鞦韆玩，成個遊樂場都冇其他人，momo係到跑來跑去，玩得勁開心呢~

世界杯足球

為配合世界杯來臨，daddy一早買咗個世界杯足球俾momo。不過，仲爭件國家隊球衣喎...要支持邊隊好呢？

世界杯之認識國旗

世界杯要開鑼啦，一於順便教momo認識不同國家o既國旗，睇吓呢個小朋友記圖象係咪真係咁灑家先！

自然進入課室

上咗abc oxford path都有四個月，momo今日第一次冇喊住入課室，仲同我揮手bye bye，睇黎佢終於適應環境喇！有時我問佢鍾唔鍾意上teacher ley堂，佢都話鍾意，仲話課室有fire truck玩。只係呢個小朋友，實在成日都想痴住mami，想mami陪佢一齊，所以適應期都比較長。希望到9月K1時，可以再叻仔啲，幾日就唔再喊啦~~~

新車王貼紙

mami團購o既新貼紙終於到貨喇，momo一見到即刻想成張要晒咁滯！呢到咁多張，可以慢慢獎俾囝囝，哈哈~

父親節咭設計

學校要設計父親節咭讓小朋友在校分享，momo當然要畫件daddy最喜歡的曼聯衫送給daddy啦~

整pancake

momo喜歡m記的pancake早餐，今天就一起弄來當茶點吃。

好吃檸檬批

早上下雨，又天陰陰，沒得去遊樂場玩，就去中大走走。momo在main lib前玩滑板車，剛好有另外兩三個孩子也在玩，momo就不斷在跟著轉。小朋友去到哪兒，他也歡樂地跟隨著，那爸媽可以坐在一旁看他玩。
除了滑板車，momo今次試了檸檬批。看他這個開心的樣子，就知道是多好吃啦~~~

太累的小朋友

早起早睡o既momo，再加冇午睡番下午班，當精神同體力透支o既情況下，好多時都會係放學番黎瞓咗，又或者食食吓飯釣魚釣到瞓著。即使學期將近完結，都難於調整。幸好，呢個小朋友可以一瞓到天光，好多時晚上7,8點入睡，都可以到早上7,8點起床，計落都有12-13小時睡眠，應該都好足夠。只係睡醒後要撐足10-12小時，係會攰啲o既...

33 months old

1000日之後，momo開始夜晚都冇濕片啦，睇黎就快可以戒晒片片喇，yeah~ 仲諗住佢可能三歲都未得，但原來只要ready好，就好快掂！
呢個月仲有另一樣進步o既，就係開始識得連線練習喇。當然未可以好順暢咁書寫，但見佢咁用心寫，仲要做完一頁，又想做一頁，真係好認真。希望將來都係咁積極做好功課啦~~~

又黎新車...

daddy又入咗兩架新tomica俾momo喇...囝囝嘅cars家族持續增加！
點解mami冇禮物㗎？買俾個仔又咁順灘...

大扭計

momo以往少有哭鬧的情況，即使有扭計時，都不是無理取鬧的。但最近他可以因為不順心的事，在一個早上，發脾氣次數多達三次，還要不斷講︰唔好！唔好！然後，當然是發癲說甚麼都聽不入耳...
其實大部分都係小事，例如早餐選擇、除褲去小便、要求他拾回跌在地上的東西...等等，總之他覺得不如意，就要撒野一番...那如何處置？
一般就叫他要停止，若不停止便讓他發難完畢，情緒安定後，才講道理，並要求他道歉，及重申下次應如何表現才是好孩子的行為。至於收唔收效，都視乎情況，但肯定他一定有記在心的。因為有時他平靜和我說話的時候，都會講︰我冇扭計呀，我乖呀。今日我......

說到底，momo還是最怕mami唔睬佢，或者冇回應佢，想要mami陪住身邊~

探馬b之二

端午節當然要吃粽子應節啦，momo一見到就好興奮，但都只象徵式吃了一口...然後，在出發探Baby Kaia之前，一家三口在家賞龍舟競渡！momo仲要坐定定睇，非常捧場，仲搞到遲咗去睇bb添...
Baby Kaia剛好小Baby Maris一個月，今日兩個小b拍埋一齊影相時，真係好可愛！momo去到9月小朋友家排訪，很快融入小朋友中一齊玩耍，雖然佢冇份做哥哥，但都同其他升任做哥哥姐姐o既小朋友們一樣，大個咗喇！

今次整咗玫瑰頭飾俾Kaia扮靚靚，嘻嘻~

盪鞦韆進級版

下午同咗99去探太婆，然後番6299到做節。食飯前，momo去樓下公園玩番夠本先！今日自己話要試坐平板鞦韆，第一次坐都算唔錯啦，仲想學隔離哥哥咁向前後fing腳仔，但又未識得平衡，哈哈~