兩位Vicki ee之約

學校低班旅行放假一天，一於遠征港島東搵兩位Vicki ee同小朋友玩個夠。過海就梗係順便帶momo搭吓電車，等佢開心吓啦！
舊同事Vicki嘅細仔剛完成咀唇手術，對兒子出生便全職湊兩姊弟嘅Vicki黎講，又係一個大挑戰。但我見細佬仔都好乖，冇乜扭計。momo就同家姐澄澄玩，佢哋兩個只係bb嘅時候見過兩次面，但warm up咗就成屋四圍走咁滯，我同舊同事可以傾吓計。
玩咗兩個幾鐘，換另一個Vicki ee屋企玩過，兩個月冇見，悅悅多嘢講咗好多，仲主動向人介紹momo黎探佢，真係好搞笑~~~ 一齊去樓下公園玩，momo第一次踩單車，雖然對腳未協調得好，但又俾佢踩得郁喎。我諗都係時候買番㗎黎威喇！
第二次見婷婷bb，係一個好安靜嘅baby,就算醒咗都唔嘈，乖乖！難得有兩姊妹組合，就梗係黎個姊妹頭飾做見面禮啦！