游水保暖衣

雖然有暖水泳池，但其實啲水只可以講係唔凍，未至於係暖，所以冬季游水要件保暖衣先夠。最初就算揀咗佢鍾意o既紅色，都唔太喜歡著，而家開始習慣喇~

family BBQ

細姨、細姨丈同表哥生日月，約咗一齊去BBQ。為咗就婆婆，揀咗去龍鼓灘o既燒烤場，咩都唔駛準備，入去即刻可以燒。呢日momo又可以係咁同表哥玩，表弟表妹又一齊玩吓泡泡車，應該啲小朋友都幾開心！
最初諗住bbq有嘢食，唔駛買咁大個蛋糕，食個美心mini啦，點知迷上elsa anna o既momo同daddy一齊出門囉車時去揀咗個frozen生日蛋糕，真係笑到我 XD 好彩冇俾人嫌棄咋~
就這樣日頭玩到夜晚，再送細姨表哥表妹番屋企。

兩位Vicki ee之約

學校低班旅行放假一天，一於遠征港島東搵兩位Vicki ee同小朋友玩個夠。過海就梗係順便帶momo搭吓電車，等佢開心吓啦！
舊同事Vicki嘅細仔剛完成咀唇手術，對兒子出生便全職湊兩姊弟嘅Vicki黎講，又係一個大挑戰。但我見細佬仔都好乖，冇乜扭計。momo就同家姐澄澄玩，佢哋兩個只係bb嘅時候見過兩次面，但warm up咗就成屋四圍走咁滯，我同舊同事可以傾吓計。
玩咗兩個幾鐘，換另一個Vicki ee屋企玩過，兩個月冇見，悅悅多嘢講咗好多，仲主動向人介紹momo黎探佢，真係好搞笑~~~ 一齊去樓下公園玩，momo第一次踩單車，雖然對腳未協調得好，但又俾佢踩得郁喎。我諗都係時候買番㗎黎威喇！
第二次見婷婷bb，係一個好安靜嘅baby,就算醒咗都唔嘈，乖乖！難得有兩姊妹組合，就梗係黎個姊妹頭飾做見面禮啦！

學會用剪刀

早前買咗啲學習剪刀，但因為唔鋒利，所以都唔係好剪到紙。見momo都用上手，亦唔會亂用，於是就買把小童剪刀俾佢試用。新嘢當然又係拎上手唔放啦...但都算剪得唔錯喎~

佈置聖誕樹

成個假期唔會係香港，本來今年唔打算在家佈置聖誕樹，點知呢個小朋友行街見到啲裝飾，話想自己佈置，整好咗仲係咁話要閃燈要播歌。
成年前同爸媽佈置聖誕樹，咁都仲記得o既？
好啦，等埋daddy番黎就亮燈儀式啦！

自理篇之自行扣鈕

momo學識咗自己扣恤衫鈕，每次扣到佢都特別開心，會繼續自己扣晒啲鈕。好啦，一於下次同daddy鬥快扣好自己件恤衫！

lipstick try

momo正式自己試用潤唇膏，估唔到佢第一次用，即刻愛不釋手，搽完一次又一次，好搞笑~~~

山頂花園野餐去

momo好耐冇見過朋友仔Issac啦，適逢Issac提早慶祝生日，Issac爸媽安排咗家庭野餐聚會，於是我哋又順道一齊玩餐飽。壽星仔當然有禮物收啦，但Uncle Desmond都買埋momo嗰份，囝囝搭單有架F1搖控車收，哈哈哈~

空中飛人

momo而家去遊樂場，成日都要玩空中飛人或者攀爬架，但佢細個都唔夠高，搞到mami成日要抱起佢上落，仲攰過就咁抱住佢行...不過，呢個小朋友都好錫mami，如果我同佢講冇力，要休息，佢都唔會勉強扭我要玩到為止。唔知幾耐，momo先可以自己扮馬騮呢？

sailor mo

最近momo成日係平台遊樂場個滑梯組件設施到玩時，一經過呢個sailor post，就一定伸個頭同對手出黎同mami say hello，仲要叫我行近睇佢。好啦，一於影番張相俾佢自己睇係咩樣先~~~

kid K'NEX

呢個美國出品o既玩具都幾好玩，組件配搭出唔同o既花樣。momo暫時未可以獨立砌出花樣，但就熱衷叫我哋砌盒啲示範圖出黎，每次完成一款，佢都好開心叫砌下一款。如果遲吓囝囝自己識玩，應該可以發揮更多創意，期待日後更多搞鬼之作！

N班同學仔

過咗兩個月暑假，K1開學又已經兩個幾月，momo冇乜提過N班學校。諗住佢可能都冇乜印象，但原來佢拎起N班o既班相黎睇，又講得出好多同學仔o既名喎。

資料搜集

學校會就每個教學主題要求學生同家長做資料搜集，一般會係星期五派發。唔好以為有星期六日，就實夠時間做喎，好多時我哋連去兩日街，要到星期日晚先完成到份功課。今朝仲要臨番學前，先叫momo自己貼好咋...期望不久將來，mami o既協助越來越少，momo可以自發地完成相關資料啦~

秋遊之西灣

再次到西貢遠足，來回西灣亭至大浪西灣。因為有食物利誘，所以momo越行越叻，我哋冇乜點抱過佢。當然，又上又落，囝囝已經用晒啲電，上到車即刻瞓著lu...

Frozen襟章

玩小遊戲有frozen襟章，睇吓momo幾鍾意，哈哈~

換季啦

冬季校服look，呢套只係白恤衫加格仔褲，冇咗bow tie唔似小紳士lu~

超人動作

自從表哥梓烯做過一次超人動作影相之後，momo一影相就好多時自己做呢個動作，乜真係咁型咩？

夜晚食完飯玩玩吓砌圖突然冇聲，原來係地下瞓著咗...

攰到咁瞓？！

呢個小朋友唔瞓晏覺，每次到夜晚食飯就會釣魚，今晚仲咁都瞓著咗，well~

Frozen Christmas

WoW Frozen個場景整好晒，momo放學即刻話唔等daddy，要入去影咗相先！乜真係咁鍾意Elsa同Anna？呢個女皇唔止風靡所有女孩，連男孩momo都話靚，唔怪之得咁受歡迎啦~
其實momo未睇過Frozen，但因為我播過let it go俾佢睇，所以佢對Elsa好有印象，又會成日let it go let it go咁唱。快啲學識唱多啲唔同歌，到時同mami一齊去唱K啦，yeah~

車呔game

上星期係深水埗買咗個車呔遊戲俾momo，放咗係6299屋企，等佢係爺嫲到有多樣選擇可以玩。今日我哋去完街去接佢番屋企，就已經學識點玩，仲教我哋玩添呀~

父子二人的早上

朝早mami要去監考，又係難得o既父子二人時光。今次hubby終於帶咗momo玩咗成朝，仲整咗個museum pass添！呢個小朋友，一跟daddy，又有腸仔食，又有新車，點會唔開心~~~

親子廚房︰甜甜圈黑豆漿包

可愛o既麵包造型，小朋友一定鍾意啦，所以今次同momo一齊整個甜甜圈麵包。剛出爐o既麵包香氣撲鼻，momo竟然逐粒逐粒搣出黎食，真係搞笑~~~

Elsa城堡

momo成日用積木砌城堡，咁啱商場今年係frozen主題，有Elsa個城堡做場景。囝囝每日放學都話要去睇一次，今日仲指住個台話要係入面唱let it go添呀，哈哈哈~

38 months old

最近momo識得嬲人，尤其是故意蝦佢時，更會用手推開，或擰轉面背住人。有時我哋大聲啲話佢，佢會即刻喊俾你睇，仲會講我哋鬧佢。小小三歲人仔，都唔知係學邊個o既？！

今日同兩個同月出世o既妹妹一齊食lunch，佢哋o既媽媽都係FTM，離職前都係同行。得閒可以見吓面，等小朋友玩吓，媽媽們又有得傾吓計~

親子閱讀計劃

學校早前有宗教中心嘅親子閱讀證書獎勵計劃報名表，見書單上嘅書都幾適合momo，而且6本書都係二百幾蚊，就好自然參加咗喇！今日收到啲書同紀錄冊，即刻打開咗幾本黎睇。momo以乎幾鍾意啲新書，bedtime story已經完成一本！

建立城堡

momo對城堡o既概念已充分掌握，而且更可以自己用積木建立複雜o既城堡外型。mami期待你發揮更多創意，創立更多不同類型o既設計！

Disney night parade

好多謝我舊生o既邀請，可以一家三口免費入場玩。不過，我哋唔貪心，主力去睇新o既夜間巡遊 - 有momo至愛o既Mcqueen同Mack，於是等囝囝瞓埋晏覺先出發。
momo進入園區首先被兩架巴士吸引，即刻叫daddy mami幫佢影相。然後，我哋先去禮品店揀定啲禮品，等臨走時再約舊生以折扣價買回家。由於今日係特選週末，紅咭都可以入園，所以園區都比較多遊人。我哋只能係巡遊前去咗睇獅子王show，momo都睇得好投入，完咗仲話唔捨得啲場景...
離場時天已全黑，趕緊搵個靚位睇巡遊，daddy負責買少少嘢食醫吓個肚仔先。momo就梗係心急啦，坐係到等咁耐，就問咁耐有未？！一出場o既係tinker bell，然後有monsters，跟住就係mack同mcqueen啦，belle同mickey and friends就係壓軸。今次呢個parade好靚，唔止momo睇得興奮，mami都好鍾意啲音樂同LED！
雖然momo之後係咁話要再黎disneyland，但等下次再有優惠時，先再帶囝囝來吧！