37 months old

3歲後學mami講嘢嘅口吻多咗好多，好多時會對我講番我講過嘅說話...每次聽到，我都覺得呢個小朋友計仔多多，略舉兩三個例子等大家笑吓：
1. 當我哋唔俾momo飲或食嘅飲品或食物，我哋會同佢講呢啲辣嘅，momo唔食。而家遇到佢鍾意嘅嘢食，我哋叫佢分享，佢會話呢啲辣㗎，你哋唔食㗎，我先食㗎。
2. 有時我同佢傾計問佢問題，例如講到佢啲玩具車，我問邊架？佢話咪呢架囉，仲問我…事實我要知道係邊架，所以要問佢名，但佢學咗我講嗰句「仲問我」。
3. 一遇上佢鍾意嘅嘢食有多，佢會食埋爸媽嗰份，仲要話：我試吓味咋嘛！（但係食晒都算試味？）

你話好嬲定好笑呢？